ലോകമെമ്പാടുമുള്ള മലയാളികൾ വലിയ ആവേശത്തോടെ ആഘോഷിക്കുന്ന മനോഹരമായ ഉത്സവമാണ് ഓണമെന്ന് പ്രധാനമന്ത്രി സമൂഹമാധ്യമമായ എക്സിൽ കുറിച്ചു. എല്ലാവരുടെയും ജീവിതത്തിൽ സന്തോഷവും സമൃദ്ധിയും നിറയട്ടെയെന്നും അദ്ദേഹം ആശംസിച്ചു.

സമ്പന്നമായ സംസ്കാരത്തിന്റെയും സാഹോദര്യത്തിന്റെയും പ്രതീകമാണ് ഓണമെന്ന് രാഷ്ട്രപതി ദ്രൗപതി മുർമു പറഞ്ഞു. വള്ളംകളി, തനത് കലാരൂപങ്ങൾ, സംഗീതം, വിവിധ കായിക മത്സരങ്ങൾ എന്നിവ ഓണാഘോഷങ്ങളുടെ മാറ്റുകൂട്ടുന്നതായും രാഷ്ട്രപതി ചൂണ്ടിക്കാട്ടി.

കേരളത്തിന്റെ പൈതൃകവും തനതായ മൂല്യങ്ങളും സംസ്കാരവും പ്രതിഫലിപ്പിക്കുന്ന ആഘോഷമാണ് ഓണം. ഉത്സവം സമൂഹത്തിൽ ഐക്യവും സൗഹൃദവും കൂടുതൽ ശക്തിപ്പെടുത്തട്ടെയെന്നും രാഷ്ട്രപതി ആശംസിച്ചു.

The post ഐക്യത്തിന്റെയും സമൃദ്ധിയുടെയും സന്ദേശം പകരുന്ന ഓണം; മലയാളികൾക്ക് ആശംസകളുമായി പ്രധാനമന്ത്രിയും രാഷ്ട്രപതിയും appeared first on Starvision News Malayalam.

ബി.ജെ.പി എം.പി നിഷികാന്ത് ദുബെ അധ്യക്ഷനായ പാർലമെന്ററി കമ്മ്യൂണിക്കേഷൻസ് ആൻഡ് ഇൻഫർമേഷൻ ടെക്‌നോളജി സ്റ്റാൻഡിങ് കമ്മിറ്റിയാണ് നിർദേശം നൽകിയത്. സംഭവത്തിന് ഉത്തരവാദികളായ ഉദ്യോഗസ്ഥരെ കണ്ടെത്തി നടപടി സ്വീകരിക്കണമെന്നും സമിതി ആവശ്യപ്പെട്ടു.

പരീക്ഷാ ചോദ്യപേപ്പർ ചോർച്ചയ്‌ക്കെതിരെ കർശന നടപടിയെടുക്കുമെന്ന് പ്രധാനമന്ത്രി വ്യക്തമാക്കിയ വീഡിയോയാണ് ഏതാനും മണിക്കൂറുകൾ ഫെയ്‌സ്ബുക്കിൽ ലഭ്യമല്ലാതായത്. സാങ്കേതിക തകരാറാണ് കാരണമെന്നും വീഡിയോ പിന്നീട് പുനഃസ്ഥാപിച്ചെന്നും മെറ്റ വിശദീകരിച്ചു. എന്നാൽ ഈ വിശദീകരണം തൃപ്തികരമല്ലെന്നാണ് കേന്ദ്ര ഐ.ടി മന്ത്രാലയത്തിന്റെയും പാർലമെന്ററി സമിതിയുടെയും നിലപാട്. സമിതി മെറ്റയോട് വിശദമായ രേഖാമൂലമുള്ള മറുപടിയും ആവശ്യപ്പെട്ടിട്ടുണ്ട്.

രാജ്യത്തിന്റെ പ്രധാനമന്ത്രിയുടെ വീഡിയോ നീക്കം ചെയ്തത് ഗുരുതരമായ വീഴ്ചയാണെന്നും ജനാധിപത്യ സംവിധാനത്തിലുള്ള ഇടപെടലായി ഇതിനെ കാണേണ്ടിവരുമെന്നും നിഷികാന്ത് ദുബെ പറഞ്ഞു.

മെറ്റയ്ക്ക് പുറമേ ഗൂഗിൾ, യൂട്യൂബ്, എക്‌സ്, വാട്‌സ്ആപ്പ്, ഇൻസ്റ്റഗ്രാം, സ്‌നാപ്ചാറ്റ് തുടങ്ങിയ ഡിജിറ്റൽ പ്ലാറ്റ്‌ഫോമുകൾക്കും സമിതി കർശന നിർദേശം നൽകിയിട്ടുണ്ട്. കുട്ടികളുടെ ലൈംഗിക ചൂഷണവുമായി ബന്ധപ്പെട്ട ഉള്ളടക്കങ്ങളും സ്ത്രീകൾക്കെതിരായ ലൈംഗിക അധിക്ഷേപ ഉള്ളടക്കങ്ങളും മൂന്നുദിവസത്തിനകം നീക്കം ചെയ്യണമെന്നും വീഴ്ച വരുത്തുന്നവർക്കെതിരെ നിയമനടപടി സ്വീകരിക്കുമെന്നും സമിതി മുന്നറിയിപ്പ് നൽകി.

ഐ.ടി നിയമത്തിലെ 79-ാം വകുപ്പ് പ്രകാരമുള്ള ‘സേഫ് ഹാർബർ’ പരിരക്ഷയാണ് ഉപയോക്താക്കൾ പ്രസിദ്ധീകരിക്കുന്ന നിയമവിരുദ്ധ ഉള്ളടക്കങ്ങൾക്ക് പ്ലാറ്റ്‌ഫോമുകളെ നേരിട്ട് ഉത്തരവാദികളാക്കുന്നതിൽനിന്ന് സംരക്ഷിക്കുന്നത്. ഈ പരിരക്ഷ നഷ്ടപ്പെട്ടാൽ കമ്പനിക്കും ബന്ധപ്പെട്ട ഉദ്യോഗസ്ഥർക്കുമെതിരെ നേരിട്ട് നിയമനടപടി സ്വീകരിക്കുന്ന സാഹചര്യമുണ്ടാകാം.

The post ‘മൂന്നുദിവസത്തിനകം മാപ്പ് പറയണം; ഇല്ലെങ്കിൽ നടപടി’: സക്കർബർഗിന് പാർലമെന്ററി സമിതിയുടെ അന്ത്യശാസനം appeared first on Starvision News Malayalam.

ന്യൂഡൽഹി: രാജ്യത്തെ വാഹന നിർമാണ രംഗത്തിന് പുതിയ കരുത്തേകി ഹരിയാനയിലെ ഐഎംടി ഖാർഖോദയിൽ മാരുതി സുസുക്കി ഇന്ത്യ ലിമിറ്റഡിന്റെ അത്യാധുനിക വാഹന നിർമാണ പ്ലാന്റ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. ഇന്ത്യ–ജപ്പാൻ സംയുക്ത സാമ്പത്തിക ഫോറത്തിനിടെ വീഡിയോ കോൺഫറൻസിലൂടെയായിരുന്നു ഉദ്ഘാടനം.

ജപ്പാൻ പ്രധാനമന്ത്രി സനായെ തകൈച്ചിയും ചടങ്ങിൽ പങ്കെടുത്തു. നാല് പതിറ്റാണ്ടിലേറെയായി ഇന്ത്യയിൽ പ്രവർത്തിക്കുന്ന മാരുതി സുസുക്കിയുടെ ചരിത്രത്തിലെ പ്രധാന നാഴികക്കല്ലായാണ് ഖാർഖോദ പ്ലാന്റ് വിലയിരുത്തപ്പെടുന്നത്.

സുസുക്കി മോട്ടോർ കോർപ്പറേഷൻ പ്രസിഡന്റ് തോഷിഹിറോ സുസുക്കി, മാരുതി സുസുക്കി ഇന്ത്യയുടെ മാനേജിംഗ് ഡയറക്ടറും സിഇഒയുമായ ഹിസാഷി ടകെഉച്ചി, കേന്ദ്ര സർക്കാർ പ്രതിനിധികൾ എന്നിവർ ചടങ്ങിൽ സന്നിഹിതരായിരുന്നു.

പൂർണ ശേഷിയിലെത്തുമ്പോൾ ഖാർഖോദ പ്ലാന്റിൽ പ്രതിവർഷം 10 ലക്ഷം വാഹനങ്ങൾ നിർമ്മിക്കാനാകും. ഇതോടെ ലോകത്തിലെ ഏറ്റവും വലിയ വാഹന നിർമാണ കേന്ദ്രങ്ങളിൽ ഒന്നായി പ്ലാന്റ് മാറും.

മാരുതി സുസുക്കിയുടെ പ്രതിവർഷം 40 ലക്ഷം വാഹനങ്ങൾ നിർമ്മിക്കാനുള്ള ദീർഘകാല ലക്ഷ്യത്തിൽ ഈ പ്ലാന്റ് നിർണായക പങ്കുവഹിക്കുമെന്നാണ് കമ്പനിയുടെ വിലയിരുത്തൽ. പദ്ധതിക്കായി ആകെ 35,000 കോടി രൂപയുടെ നിക്ഷേപമാണ് ലക്ഷ്യമിടുന്നത്.

പ്ലാന്റ് പൂർണതോതിൽ പ്രവർത്തനം ആരംഭിക്കുമ്പോൾ 21,000-ത്തിലധികം പേർക്ക് നേരിട്ടും പരോക്ഷമായും തൊഴിലവസരങ്ങൾ സൃഷ്ടിക്കുമെന്നാണ് പ്രതീക്ഷ.

ഖാർഖോദയിലെ അത്യാധുനിക പ്ലാന്റിന്റെ ഉദ്ഘാടനം സുസുക്കി ഗ്രൂപ്പിന് അഭിമാന നിമിഷമാണെന്ന് തോഷിഹിറോ സുസുക്കി പറഞ്ഞു. നിലവിൽ അഞ്ച് ലക്ഷം വാഹനങ്ങളുടെ വാർഷിക ഉൽപാദന ശേഷിയുള്ള പ്ലാന്റ് പിന്നീട് 10 ലക്ഷം യൂണിറ്റായി വികസിപ്പിക്കുമെന്നും അദ്ദേഹം വ്യക്തമാക്കി.

ഇന്ത്യ–ജപ്പാൻ സഹകരണത്തിന്റെയും ‘മേക്ക് ഇൻ ഇന്ത്യ’ പദ്ധതിയുടെയും വിജയത്തിന്റെ തെളിവാണ് ഈ സംരംഭമെന്നും അദ്ദേഹം പറഞ്ഞു. ഇന്ത്യയിലെ അനുകൂല നയപരമായ അന്തരീക്ഷം കൂടുതൽ നിക്ഷേപത്തിനും തൊഴിൽ സൃഷ്ടിക്കും കയറ്റുമതി വർധനയ്ക്കും സാങ്കേതിക വികസനത്തിനും സഹായകരമാകുന്നുണ്ടെന്നും സുസുക്കി കൂട്ടിച്ചേർത്തു.

അതേസമയം, കമ്പനിയുടെ ആദ്യ ബാറ്ററി ഇലക്ട്രിക് എസ്‌യുവിയായ ഇ-വിറ്റാര ഗുജറാത്തിലെ മാരുതി സുസുക്കി പ്ലാന്റിലാണ് നിർമ്മിക്കുന്നത്. ഇവിടെ നിന്ന് ലോകത്തെ 100 രാജ്യങ്ങളിലേക്കാണ് വാഹനം കയറ്റുമതി ചെയ്യുന്നത്.

ഇന്ത്യയിൽ നിർമ്മിക്കുന്ന വാഹനങ്ങളുടെ കയറ്റുമതി വർധിച്ചതോടെ ജപ്പാനിലേക്ക് ഏറ്റവും കൂടുതൽ കാറുകൾ ഇറക്കുമതി ചെയ്യുന്ന കമ്പനിയായി സുസുക്കി മാറിയതായും കമ്പനി അറിയിച്ചു. ‘മേക്ക് ഇൻ ഇന്ത്യ, മേക്ക് ഫോർ ദ വേൾഡ്’ എന്ന ആശയം യാഥാർത്ഥ്യമാകുന്നതിന്റെ മികച്ച ഉദാഹരണമാണ് ഈ നേട്ടമെന്നും വിലയിരുത്തപ്പെടുന്നു.

The post 35,000 കോടിയുടെ വമ്പൻ പ്ലാന്റ്; മാരുതി സുസുക്കിയുടെ പുതിയ യുഗത്തിന് തുടക്കം appeared first on Starvision News Malayalam.