ഇതോടെ പവന് 55,896 രൂപയായി. പതിനെട്ട് കാരറ്റിന് 488 രൂപ കൂടി. പവന് 41,952 രൂപയിലാണ് വ്യാപാരം നടക്കുന്നത്.പശ്ചിമേഷ്യയിലെ രാഷ്ട്രീയ സംഘർഷങ്ങളും വികസിത രാജ്യങ്ങളിലെ മാന്ദ്യ സാഹചര്യവുമാണ് സുരക്ഷിത നിക്ഷേപമായ സ്വർണത്തിന് പ്രിയം കൂടുന്നതിന് പിന്നിൽ. നടപ്പു വർഷം പവന് 56,000 രൂപ കടന്ന് മുന്നേറുമെന്നാണ് സാമ്പത്തിക വിദഗ്‌ദരുടെ പ്രവചനം.ലോകത്തിലെ മുൻനിര രാജ്യങ്ങളിലെ കേന്ദ്ര ബാങ്കുകൾ സാമ്പത്തിക അനിശ്ചിതത്വം കണക്കിലെടുത്ത് വലിയ തോതിൽ സ്വർണം വാങ്ങിക്കൂട്ടുന്നതാണ് വിലയിൽ കുതിപ്പ് സൃഷ്ടിക്കുന്നത്. അടുത്ത സാമ്പത്തിക വർഷത്തെ ഏറ്റവും മികച്ച വളർച്ചാ സാദ്ധ്യതയുള്ള നിക്ഷേപമാണ് സ്വർണമെന്ന് കൊച്ചിയിലെ പ്രമുഖ ചാർട്ടേഡ് അക്കൗണ്ടന്റും ധനകാര്യ വിദഗ്‌ദനുമായ പി.ടി ജോയ് പറഞ്ഞു.റഷ്യയിൽ പുടിൻ വീണ്ടും അധികാരത്തിലെത്തിയതും ഇസ്രയേലും പാലസ്തീനുമായുള്ള സംഘർഷങ്ങൾ കൈവിട്ടുപോകുന്നതും ആശങ്ക ശക്തമാക്കുന്നു. ഇതോടൊപ്പം ചൈനയിലെ സാമ്പത്തിക സാഹചര്യങ്ങൾ സംബന്ധിച്ച ആശങ്കകളും സ്വർണ വില വർദ്ധനയ്ക്ക് ഇടയാക്കുമെന്ന് ജോയ്‌ പറയുന്നു.

The post സർവകാല റെക്കോർഡിൽ സ്വർണം; ഇന്നും വില കുതിച്ചുയർന്നു, വരും ദിവസങ്ങളിൽ എന്ത് സംഭവിക്കും? appeared first on Starvision News Malayalam.

തിരുവനന്തപുരം : സംസ്ഥാനത്ത് അടുത്ത നാലുദിവസം മഴയ്ക്ക് സാദ്ധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. നാളെ നാലു ജില്ലകളിലാണ് മഴയ്ക്ക് സാദ്ധ്യതയുള്ളത്. ഏപ്രിൽ രണ്ടിന് ഏഴു ജില്ലകളിലും മൂന്നിന് ഒൻപത് ജില്ലകളിലും നാലാം തീയതി നാലു ജില്ലകളിലുമാണ് മഴ മുന്നറിയിപ്പ് നൽകിയിരിക്കുന്നത്.നാളെ തിരുവനന്തപുരം,​ പത്തനംതിട്ട,​ എറണാകുളം,​ ഇടുക്കി ജില്ലകളിലാണ് നേരിയ മഴയ്ക്ക് സാദ്ധ്യതയുള്ളത്.

ചൊവ്വാഴ്ച തിരുവനന്തപുരം,​ കൊല്ലം,​ പത്തനംതിട്ട,​ ആലപ്പുഴ,​ കോട്ടയം,​. എറണാകുളം,​ ഇടുക്കി ജില്ലകളിലും മഴയ്ക്ക് സാദ്ധ്യതയുണ്ട്. മൂന്നിന് തിരുവനന്തപുരം,​ കൊല്ലം,​ പത്തനംതിട്ട,​ ആലപ്പുഴ,​ കോട്ടയം,​ എറണാകുളം. ഇടുക്കി,​ കോഴിക്കോട്,​ വയനാട് ജില്ലകളിലാണ് മുന്നറിയിപ്പുള്ളത്. നാലിന് പത്തനംതിട്ട,​ ആലപ്പുഴ,​ കോട്ടയം,​ എറണാകുളം ജില്ലകളിലും അടുത്ത രണ്ടുദിവസം കൂടി കടലാക്രമണ സാദ്ധ്യതയും പ്രവചിക്കുന്നുഅതേസമയം കേരളതീരത്ത് ഉയർന്ന തിരമാലകൾക്ക് സാദ്ധ്യതയുണ്ടെന്ന് സമുദ്ര സ്ഥിതിപഠന ഗവേഷണ കേന്ദ്രം നിർദ്ദേശം നൽകിയതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് മുഖ്യമന്ത്രി പിണറായി വിജയൻ അറിയിച്ചു. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണമെന്നും മുഖ്യമന്ത്രിയുടെ ഓഫീസ് നി‌ർദ്ദേശിച്ചു

The post അടുത്ത നാലുദിവസം കടലാക്രമണത്തിനു സാദ്ധ്യത , മഴ പെയ്യുമെന്ന് മുന്നറിയിപ്പ് appeared first on Starvision News Malayalam.

പ്രതിനിധി സമ്മേളനത്തില്‍ ജില്ലാ സെക്രട്ടറി ആനാവൂര്‍ നാഗപ്പന്‍ പ്രവര്‍ത്തന റിപ്പോര്‍ട്ട് അവതരിപ്പിക്കും. തുടര്‍ന്ന് മൂന്നു ദിവസങ്ങളിലായി പൊതു ചര്‍ച്ച, മറുപടി, അഭിവാദ്യ പ്രസംഗങ്ങള്‍ എന്നിവയുണ്ടാകും. 16 ന് പുതിയ ജില്ലാ കമ്മിറ്റിയെയും സെക്രട്ടറിയെയും തിരഞ്ഞെടുക്കും. 16ന് വൈകിട്ട് നാലിന് ചെറുവാരക്കോണം സിഎസ്ഐ ഗ്രൗണ്ടില്‍ ചേരുന്ന പൊതു സമ്മേളനം പിബി അംഗവും സംസ്ഥാന സെക്രട്ടറിയുമായ കോടിയേരി ബാലകൃഷ്ണന്‍ ഉദ്ഘാടനം ചെയ്യും. പ്രമുഖ നേതാക്കള്‍ പൊതുയോഗത്തില്‍ സംസാരിക്കും. കോവിഡ് മാനദണ്ഡങ്ങള്‍ പൂര്‍ണമായും പാലിച്ചു കൊണ്ടാണ് സമ്മേളന നടപടികള്‍ പൂര്‍ത്തിയാക്കുക. വിവിധ ഏരിയാ സമ്മേളനങ്ങളില്‍ നിന്നും തിരഞ്ഞെടുക്കപ്പെട്ട പ്രതിനിധികള്‍ക്ക് പുറമെ ജില്ലാ കമ്മിറ്റി അംഗങ്ങളും ജില്ലയില്‍ നിന്നുള്ള സംസ്ഥാന കമ്മിറ്റി അംഗങ്ങളും സംസ്ഥാന സെക്രട്ടേറിയറ്റ് അംഗങ്ങളും പ്രതിനിധി സമ്മേളനത്തില്‍ പങ്കെടുക്കും. പാറശാല ജയമഹേഷ് ഓഡിറ്റോറിയത്തിന് സമീപം കോവിഡ് മാനദണ്ഡങ്ങള്‍ പ്രകാരം തയ്യാറാക്കിയ വേദിയിലായിരിക്കും സമ്മേളനം നടക്കുക.

=================================================================================

സ്റ്റാർ വിഷൻ വാര്‍ത്തകള്‍ അറിയാനുള്ള വാട്ട്‌സ്ആപ്പ് ഗ്രൂപ്പ്
https://chat.whatsapp.com/GDF29CaKEQREh14pEVSIdN

സ്റ്റാർ വിഷൻ വീഡിയോ വാര്‍ത്തകള്‍ക്ക്
http://bit.ly/SubToStarvisionNews

=================================================================================

ഡിസംബര്‍ 28ന് ആരംഭിച്ച മാദ്ധ്യമ സെമിനാറോടെയായിരുന്നു ജില്ലാ സമ്മേളനത്തിന്റെ അനുബന്ധ പരിപാടികള്‍ ആരംഭിച്ചത്. സമൂഹത്തിന്റെ വിവിധ മേഖലകളില്‍ നിന്നുള്ള പ്രമുഖര്‍ പങ്കെടുത്ത സെമിനാറുകളും സമ്മേളനങ്ങളും സിമ്പോസിയങ്ങളും ജില്ലയുടെ വിവിധ ഭാഗങ്ങളിലായി നടന്നു. കര്‍ഷക സമരത്തിന്റെ വിജയവും തുടര്‍ പ്രവര്‍ത്തനങ്ങളും വിശദമാക്കിയ, ദേശീയ കര്‍ഷക സമര നേതാക്കള്‍ പങ്കെടുത്ത കര്‍ഷക മഹാപഞ്ചായത്ത് വന്‍ ജനപ്രാതിനിധ്യം കൊണ്ട് ചരിത്ര സംഭവമായി മാറി. ബാല പ്രതിഭകള്‍ മാറ്റുരച്ച ശാസ്‌ത്രോത്സവും പങ്കാളിത്തം കൊണ്ട് ശ്രദ്ധേയമായി. വിവിധ തലങ്ങളില്‍ മത്സരിച്ചെത്തിയ പ്രതിഭകളുടെ കഴിവുകള്‍ മാറ്റുരച്ച വേദി അറിവിന്റെ ഉജ്ജ്വല പ്രകടനത്തിന് സാക്ഷ്യം വഹിച്ചു. പരമ്പരാഗത കലാരൂപങ്ങള്‍ അടക്കമുള്ള പ്രകടനങ്ങളും വിവിധ വേദികളില്‍ അരങ്ങേറി. സെമിനാറുകളില്‍ വിവിധ സാമൂഹ്യ വിഷയങ്ങളെ സംബന്ധിച്ച് വിശദമായ ചര്‍ച്ചകളാണ് നടന്നത്. വിവിധ മേഖലകളുടെ അടിസ്ഥാന പ്രശ്‌നങ്ങള്‍ അധികൃതരുടെ ശ്രദ്ധയില്‍ കൊണ്ടു വരുന്നതിനും കഴിഞ്ഞു. കായിക മത്സരങ്ങളില്‍ ജില്ലയിലെ യുവ പ്രതിഭകള്‍ മാറ്റുരച്ചു. വാശിയേറിയ മത്സരങ്ങളായിരുന്നു നടന്നത്.
പതാക ദിനത്തിന്റെ ഭാഗമായി പാറശാല, നെയ്യാറ്റിന്‍കര, വെള്ളറട, കോവളം, നേമം ഏരിയാ കമ്മിറ്റി പ്രദേശങ്ങളിലെ വീടുകള്‍ പതാക ഉയര്‍ത്തുന്നതിനൊപ്പം ഫല വൃക്ഷ തൈകളും നട്ടു. ജില്ലാ കമ്മിറ്റി ഓഫീസില്‍ ജില്ലാ സെക്രട്ടറി ആനാവൂര്‍ നാഗപ്പന്‍ പതാക ഉയര്‍ത്തുകയും ഓഫീസ് വളപ്പില്‍ ഫലവൃക്ഷ തൈ നടുകയും ചെയ്തു. അന്‍പതിനായിരത്തോളം ഫലവൃക്ഷങ്ങളാണ് പതാകദിനത്തില്‍ നട്ടത്. ജില്ലയിലൊട്ടാകെ ബ്രാഞ്ച് കമ്മിറ്റികളുടെ നേതൃത്വത്തില്‍ പതാക ഉയര്‍ത്തുകയും ജില്ലാ സമ്മേളന ബോര്‍ഡുകള്‍ സ്ഥാപിക്കുകയും ചെയ്തു. സമ്മേളനത്തിന്റെ ഭാഗമായി നടന്ന എല്ലാ പരിപാടികളിലുമുണ്ടായ ജന പ്രാതിനിധ്യം സിപിഐഎമ്മിന്റെ വര്‍ദ്ധിച്ച പിന്തുണയാണ് വ്യക്തമാക്കുന്നത്. സമ്മേളനത്തോടെ കൂടുതല്‍ മേഖലകളില്‍ കൂടുതല്‍ ശക്തമായ പ്രസ്ഥാനമായി സിപിഐഎം മാറുമെന്ന് വ്യക്തമാകുകയാണെന്ന് സിപിഐ എം ജില്ലാ സെക്രട്ടറി ആനാവൂര്‍ നാഗപ്പന്‍ വാര്‍ത്താക്കുറിപ്പില്‍ പറഞ്ഞു.

The post പ്രതിനിധി സമ്മേളനം പിണറായിയും, പൊതു സമ്മേളനം കോടിയേരിയും ഉദ്ഘാടനം ചെയ്യും appeared first on Starvision News Malayalam.