24 ക്ഷേത്രസങ്കേതങ്ങളിലായി നടക്കുന്ന സോപാന സംഗീത യാത്രയുടെ ഭാഗമായി സോപാന സംഗീത ശാഖയ്ക്ക്‌ സമഗ്ര സംഭാവനകൾ നൽകിയ 13 ഗുരുക്കന്മാരെ വിവിധ ക്ഷേത്രങ്ങളിൽ വെച്ച്  ആദരിക്കുന്ന ആചാര്യവന്ദനം  ചടങ്ങും നടക്കും‌.

കേരളീയ വാദ്യകലകളെ പരിപോഷിപ്പിക്കുക എന്ന ലക്ഷ്യത്തോടെ കഴിഞ്ഞ 17 വർഷമായി ബഹ്റിനിൽ പ്രവർത്തിക്കുന്ന സോപാനം വാദ്യകലാസംഘം ഇതിനോടകം 600ൽ പരം ആളുകളെ വാദ്യകലാരംഗത്തും 100ൽ പരം ആളുകളെ സോപാനസംഗീതത്തിലും പരിശീലിപ്പിച്ചിട്ടുണ്ട്. ലോകപ്രശസ്തരായ കലാകാരന്മാരെ പങ്കെടുപ്പിച്ച് ഇന്ത്യക്ക് പുറത്തു നടക്കുന്ന ഏറ്റവും വലിയ മേളപരിപാടിയായ വാദ്യസംഗമം നടത്തുന്ന ഈ കൂട്ടായ്മ സോപാനസംഗീത പരിക്രമം കൂടാതെ മേളയാത്രയും നടത്താറുണ്ട്. വരും വർഷങ്ങളിൽ സോപാനസംഗീതവും മേളവുമായി ഇന്ത്യയുടെ എല്ലാ സംസ്ഥാനങ്ങളിലും യാത്ര നടത്താനുള്ള ഒരുക്കത്തിലാണ് ഈ പ്രവാസിവാദ്യസംഘം.

The post *സോപാന സംഗീതാ൪ച്ചന യാത്രയുമായി ഒരുസംഘം പ്രവാസികൾ ബഹ്റിനിൽ നിന്നും കേരളത്തിലേക്ക്* appeared first on Starvision News Malayalam.