റിയാദ് മെട്രോ ജൂൺ മുതൽ ആരംഭിക്കും

റിയാദ്: ലോകത്തിലെ ഏറ്റവും വലിയ മെട്രോകളിലൊന്ന് സൗദി അറേബ്യയിലെ റിയാദിൽ ജൂണിൽ ഓടിത്തുടങ്ങും. റിയാദ് മെട്രോ നിർമാണത്തിന്റെ 85 ശതമാനം ജോലികളും പൂര്‍ത്തിയായിട്ടുണ്ട്. ആറ് ലൈനുകളുള്ള മെട്രോയില്‍ ഡിസംബറിലോ ജനുവരിയിലോ പൂര്‍ണമായും ട്രെയിൻ സര്‍വീസ് തുടങ്ങാനാവും. 186 കിലോമീറ്റർ ദൈര്‍ഘ്യത്തിൽ ലോകത്തിലെ ഏറ്റവും നീളം കൂടിയ മെട്രോ ലൈനുകളിലൊന്നായി മാറും റിയാദ് മെട്രോ. ഇതിൽ മൊത്തം 36 കിലോമീറ്റർ ഭൂമിക്കടിയിലാണ്​. വലിയ തുരങ്കം നിർമിച്ചാണ്​ പാത കടന്നുപോകുന്നത്​​. പാതയിലുടനീളം 80 സ്​റ്റേഷനുകളാണ് സ്ഥാപിച്ചിരിക്കുന്നത്​.