പ്രവാസികളുടെ മടക്കയാത്രക്കുള്ള ഒരുക്കങ്ങളെല്ലാം യു.എ.ഇയില്‍ പൂര്‍ത്തിയാക്കി

കോറോണയെത്തുടർന്ന് പ്രതിസന്ധിയിലായ ഇന്ത്യക്കാരെ യുഎഇയിൽ നിന്ന് കൊണ്ടുപോകുന്നതിനുള്ള ആദ്യ വിമാനം പുറപ്പെടാൻ ഇനി മണിക്കൂറുകൾ മാത്രമാണ് അവശേഷിക്കുന്നത്. ആദ്യവിമാനം ഇന്ന് വൈകീട്ട് അബുദാബിയില്‍ നിന്നും പ്രാദേശിക സമയം 4.15ന് കൊച്ചിയിലേക്ക് പുറപ്പെടും .ദുബായില്‍ നിന്നും ഉച്ചക്ക് 2.10 ന് കോഴിക്കോട്ടേക്ക് ‌പുറപ്പെടേണ്ടിയിരുന്ന വിമാനം വൈകീട്ട് അഞ്ചിനാണ് പുറപ്പെടുക.ചില സാങ്കേതിക തടസങ്ങൾ കാരണമാണ് സമയമാറ്റത്തിന് കാരണം.കൊച്ചിയിലേക്കുള്ള വിമാനത്തില്‍ 177 പേരും കോഴിക്കോട്ടേക്കുള്ള വിമാനത്തിൽ 179 പേരും യാത്രയാവും.ടിക്കറ്റ് വിതരണവും യാത്രാവിവരണങ്ങള്‍ കൈമാറലും ഇതിനകം പൂര്‍ത്തിയായിക്കഴിഞ്ഞു.വിമാനത്തിൽ കയറിയുന്നതിന് മുൻപ് വിമാനത്താവളത്തിൽ എല്ലാ യാത്രക്കാരെയും കൊറോണ പരിശോധനയ്ക്കു വിധേയരാക്കുകയും സേഫ്റ്റി കിറ്റുകൾ നൽകുകയും ചെയ്യും.