എമിറേറ്റ്‌സ് ആശുപത്രികളിലെ മെഡിക്കൽ സ്റ്റാഫുകൾക്ക് ഗോൾഡൻ റെസിഡൻസി വിസ

ദുബൈ കിരീടാവകാശിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം നൽകിയ നിർദേശപ്രകാരം ദുബായ് ഹെൽത്ത് അതോറിറ്റി (ഡിഎച്ച്എ) ഡയറക്ടർ ജനറൽ ഹുമൈദ് അൽ ഖത്താമിയാണ് എമിറേറ്റ്‌സ് ആശുപത്രികളിലെ മെഡിക്കൽ സ്റ്റാഫുകൾക്ക് സ്ഥിരമായ ഗോൾഡൻ റെസിഡൻസി വിസ അനുവദിച്ചുകൊണ്ടുള്ള പ്രഖ്യപനം നടത്തിയത്. കോവിഡ് വ്യാപനത്തെ തടയുന്നതിനുള്ള മെഡിക്കൽ സ്റ്റാഫുകളുടെ ശ്രമങ്ങളെ അഭിനന്ദിച്ചുകൊണ്ടാണ് വിസ അനുവദിച്ചത്. ആരോഗ്യമേഖലയിലെ യോഗ്യതയുള്ള പ്രൊഫഷണലുകൾക്കും പ്രത്യേക ഫിസിഷ്യൻമാർക്കും 10 വർഷത്തെ സ്ഥിരമായ റെസിഡൻസി വിസ അനുവദിക്കുമെന്ന് അൽ-ഖത്താമി പറഞ്ഞു.