കേരളത്തിൽ അതീവ ജാഗ്രത, പ്രത്യേക വെബ് പോർട്ടൽ തുടങ്ങും

തിരുവനന്തപുരം: കേരളത്തിൽ കോവിഡ്-19 വ്യാപനം തടയാൻ സഹായിക്കുന്നതിനും ഉപദേശിക്കാനും വിദഗ്ദ്ധ സമിതി രൂപീകരിക്കുമെന്നും മുഖ്യമന്ത്രി പിണറായി വിജയൻ വ്യക്തമാക്കി.പൊതുജനങ്ങൾക്കും ആരോഗ്യ പ്രവർത്തകർക്കും വിവരങ്ങൾ കൈമാറാൻ പ്രത്യേക വെബ് പോർട്ടൽ തുടങ്ങുമെന്നും മുഖ്യമന്ത്രി പ്രഖ്യാപിച്ചു. ലോണുകൾ തിരിച്ചടയ്ക്കുന്നതിന് ആവശ്യമായ ഇളവുകൾ ൻൽകുമെന്ന് ബാങ്കേഴ്സ് സമിതി അറിയിച്ചിട്ടുണ്ടെന്നും മുഖ്യമന്ത്രി വ്യക്തമാക്കി.കോവിഡ് ബാധിതരുടെ പുതിയ കേസുകളൊന്നും റിപ്പോർട്ട് ചെയ്തിട്ടില്ലെങ്കിലും സംസ്ഥാനം അതീവ ജാഗ്രതയിലാണ്. സംസ്ഥാനത്ത് മൊത്തം 18011 പേർ നിരീക്ഷണത്തിലുള്ളവരിൽ 17743 പേർ വീടുകളിലും 268 പേർ ആശുപത്രികളിലുമാണ്. 5 പേരെയാണ് ഇന്ന് പുതുതായി ആശുപത്രിയില്‍ പ്രവേശിപ്പിച്ചത്. 5372 പേര്‍ പുതുതായി നിരീക്ഷണത്തിലുണ്ട്.