ഒടിടി റിലീസിന് മുന്‍പ് പൊന്മകള്‍ വന്താളിന്റെ വ്യാജപതിപ്പ് തമിഴ് റോക്കേഴ്‌സില്‍

ചെന്നൈ: സൂര്യയുടേയും ജ്യോതികയുടെയും ഉടമസ്ഥതയിലുള്ള ടുഡി എന്റര്‍ടെയ്‌മെൻറ് നിര്‍മ്മിച്ച ജ്യോതിക നായികയായെത്തുന്ന പൊന്മകള്‍ വന്താല്‍ ആമസോണ്‍ പ്രൈമില്‍ ഒടിടി റിലീസ് ചെയ്യുന്നതിന് മണിക്കൂറുകള്‍ക്ക് മുന്‍പ് തന്നെ വ്യാജപതിപ്പ് തമിഴ് റോക്കേഴ്‌സില്‍ എത്തി.സിനിമയുടെ എച്ച് ഡി പതിപ്പ് തന്നെയാണ് തമിഴ് റോക്കേഴ്‌സില്‍ എത്തിയതെന്നുള്ളത് ആശങ്ക വര്‍ധിപ്പിച്ചിരിക്കുകയാണ്. ഇന്നലെ അര്‍ദ്ധ രാത്രി 12 മണിയോടെയാണ് സിനിമ റിലീസ് ചെയ്യാനിരുന്നത്. എന്നാല്‍ പിന്നീട് പുലര്‍ച്ചെ റിലീസ് ചെയ്യാമെന്ന് തീരുമാനിക്കുകയായിരുന്നു അധികൃതര്‍. എന്നാല്‍ അര്‍ദ്ധ രാത്രിയോടെ തന്നെ സിനിമ തമിഴ് റോക്കേഴ്‌സില്‍ വന്നു.