ഹിന്ദി സിനിമാ താരം ഇര്‍ഫാന്‍ ഖാന്‍ അന്തരിച്ചു

മുംബൈ: ഹിന്ദി സിനിമാ രംഗത്തെ പ്രശസ്തനായ നടന്‍ ഇര്‍ഫാന്‍ ഖാന്‍ അന്തരിച്ചു. തൊണ്ടയിലെ ക്യാന്‍സര്‍ ബാധമൂലം ഏറെ നാളായി ചികിത്സയിലായിരുന്ന ഇര്‍ഫാനെ കഴിഞ്ഞ ദിവസമാണ് രോഗം മൂര്‍ഛിച്ചതിനെ തുടര്‍ന്ന് തീവ്രപരിചരണ വിഭാഗത്തിലാക്കിയത്. മുംബൈയിലെ കോകിലാബെന്‍ ധീരുഭായി അംബാനി ആശുപത്രിയിലാണ് ഇര്‍ഫാനെ പ്രവേശിപ്പിച്ചത്. 53 വയസ്സായിരുന്നു. ഇന്ന് രാവിലേയും ആരോഗ്യനിലയില്‍ ആശങ്കവേണ്ടെന്ന തരത്തില്‍ ബന്ധുക്കള്‍ ആരാധകരെ ആശ്വസിപ്പിച്ചിരുന്നു.ലൈഫ് ഓഫ് പൈ , പാന്‍സിംഗ് തോമര്‍ എന്ന ചിത്രങ്ങള്‍ക്ക് ദേശീയ ബഹുമതി അടക്കം ലഭിച്ചിരുന്നു. കഴിഞ്ഞ ശനിയാഴ്ച ഇര്‍ഫാന്റെ മാതാവ് സയീദാ ബീഗം ജയ്പൂരില്‍ അന്തരിച്ചിരുന്നു. ചികിത്സയിലായിരുന്ന ഇര്‍ഫാന് മരണാന്തര ചടങ്ങില്‍ പങ്കെടുക്കാനായില്ല. 2018 മുതല്‍ ലണ്ടനില്‍ ഇര്‍ഫാന്‍ ചികിത്സയിലായിരുന്നു.