ഗൾഫ് എയർ ബഹറിൻ തിരുവനന്തപുരം ബുക്കിംഗ് ആരംഭിച്ചു

മനാമ: ബഹ്‌റൈന്റെ ദേശീയ വിമാനക്കമ്പനിയായ ഗൾഫ് എയർ, ബഹ്‌റൈനിൽ നിന്നും തിരുവനന്തപുരത്തേക്കുള്ള യാത്ര ജൂൺ 17 മുതൽ ആരംഭിക്കുന്നു. ഇതിനായുള്ള ബുക്കിംഗ് ആരംഭിച്ചു. 116 ദിനാറും 400 ഫിൽസുമാണ് ഇക്കണോമി യാത്രയുടെ കുറഞ്ഞ ചിലവ്. 23 കിലോ വീതമുള്ള രണ്ട് പാക്കേജുകളും കയ്യിൽ ആറ് കിലോയും കൊണ്ടുപോകാൻ സാധിക്കും. ജൂൺ 17 മുതൽ എല്ലാ തിങ്കൾ, ബുധൻ, വ്യാഴം, വെള്ളി, ശനി ദിവസങ്ങളിലാണ് ബഹ്‌റൈനിൽ നിന്നും തിരുവനന്തപുരത്തേക്ക് സർവീസുകൾ ഉള്ളത്.