ബഹ്‌റൈനിൽ ഇന്നു പുതുതായി 360 പേർക്ക് കോവിഡ്, 366 പേർ രോഗമുക്തി നേടി

മനാമ: ബഹ്‌റൈനിൽ ഇന്ന് 360 പേർക്കുകൂടി പുതുതായി കോവിഡ് സ്ഥിരീകരിച്ചു. ഇവരിൽ 220 പേർ പ്രവാസി തൊഴിലാളികളാണ്. ഇതോടെ രാജ്യത്ത് കോവിഡ് ബാധിച്ച് ചികിത്സയിലുള്ളവരുടെ എണ്ണം 4300 ആയി. ഇന്ന് 366 പേരാണ് രോഗമുക്തി നേടിയിട്ടുള്ളത്. ഇതോടെ ആകെ രോഗമുക്തി നേടിയവരുടെ എണ്ണം 4462 ആയി ഉയർന്നു. രാജ്യത്ത് കോവിഡ് – 19 പരിശോധനയ്ക്കായി ലാബ് ശേഷി വർദ്ധിപ്പിക്കുകയും പരിശോധനകൾ വേഗത്തിലാക്കുകയും ചെയ്തിട്ടുണ്ട്. ഇതുവരെ 2,74,711 പേരെ പരിശോധനകൾക്ക് വിധേയമാക്കിയിട്ടുണ്ട്. 1500 ഡോക്ടർമാരെയും നഴ്സുമാരെയും ഇതിനായി ഇതുവരെ പരിശീലിപ്പിച്ചിട്ടുണ്ട്. രണ്ട് പ്രവാസി തൊഴിലാളികൾ അടക്കം 12 പേരാണ് ബഹ്‌റൈനിൽ മരണമടഞ്ഞത്. ജിസിസി യിലെ ഏറ്റവും കുറഞ്ഞ മരണനിരക്ക് ആണ് ബഹ്‌റൈനിൽ ഉള്ളത്. രോഗലക്ഷണങ്ങൾ ഉള്ളവർ 444 എന്ന നമ്പറിൽ വിളിക്കാൻ മന്ത്രാലയം ആവശ്യപ്പെടുന്നുണ്ട്.