കൊറോണയെ പ്രതിരോധിക്കാൻ അമേരിക്കയുടെ സഹായം വേണ്ട എന്ന് ഇറാൻ

ടെഹ്‌റാന്‍: കൊറോണ വൈറസ്‌ ഇറാനിലുള്ളവര്‍ക്കായി അമേരിക്ക പ്രത്യേകം സൃഷ്ടിച്ച ജൈവായുധ പ്രയോഗമാണെന്ന് ഇറാൻ പരമോന്നത നേതാവും മുൻ പ്രസിഡണ്ടുമായ ആയത്തുല്ല അലി ഖമനി അഭിപ്രായപ്പെട്ടു. ഇറാനിലെ ആളുകളുടെ ജനിതക വിവരങ്ങള്‍ ഉള്‍പ്പെടുത്തിയാണ്‌ വൈറസ്‌ നിര്‍മിച്ചത് എന്നും, നിലവിൽ ഇറാനിലെ ജനങ്ങളിലെ വൈറസിന്റെ എഫക്ട്‌ പരിശോധിക്കാനാണ്‌ വൈദ്യസഹായവുമായി ഡോക്ടര്‍മാരെയും തെറാപ്പിസ്റ്റുകളേയും അയക്കാമെന്ന്‌ യുഎസ്‌ വാഗാനം ചെയ്യുന്നതെന്നും ഖമനി ആരോപിക്കുന്നു.