നിങ്ങൾ തനിച്ചല്ല ഞങ്ങളുണ്ട് നിങ്ങൾക്കൊപ്പം-ബഹ്‌റൈൻ സംസ്‌കൃതി

മനാമ: കോവിഡ് വിതച്ച മഹാ ദുരിതത്തിൽ പ്രവാസി സമൂഹം ദുരിതമനുഭവിക്കുന്ന ഈ സമയത്ത് ആശ്വാസമായി സംസ്‌കൃതി. ബഹ്‌റൈൻ സംസ്‌കൃതിയുടെ അഭിമുഖ്യത്തിൽ അവശ്യ ഭക്ഷണ സാമഗ്രികളുടെ വിതരണം, കോവിഡ് ബാധിച്ചവർക്ക് ഓൺ ലൈൻ കൗൺസിലിംഗ്, മരുന്നുകൾ ലഭ്യമാക്കുന്നതിനായുള്ള സേവനങ്ങൾ മുതലായ പ്രവർത്തനവുമായി ബഹറിനിലെ വിവിധ പ്രദേശങ്ങളിൽ ജാതി മത വർഗഭേദമന്യേ സംസ്കൃതി പ്രവർത്തകർ നടത്തി വരുന്നു. മൂന്ന് കേന്ദ്രങ്ങളിൽ തയാറാക്കിയ ഏകദേശം 300 ഓളം ഭക്ഷണ കിറ്റുകൾ ഇന്നലെ മാത്രമായി ദുരിതം അനുഭവിക്കുന്നവർക്കായി എത്തിച്ചു കൊടുത്തു. 1000 ഓളം കിറ്റുകളാണ് തയ്യാറാക്കി വിതരണത്തിനായി ആസൂത്രണം ചെയ്യുന്നതെന്ന് സംസ്കൃതി ഭാരവാഹികൾ അറിയിച്ചു :കേന്ദ്ര സർക്കാറുമായി നിരന്തരം ബന്ധപ്പെട്ടുകൊണ്ട് കൊറോണയുമായി ബഹറിനിൽ പ്രവാസികൾ അനുഭവിക്കുന്ന പ്രശ്നങ്ങൾ സർക്കാറിനെ അറിയിച്ചു കൊണ്ടിരിക്കുന്നുവെന്നും ഭാരവാഹികൾ അറിയിച്ചു.