കാലിഫോര്‍ണിയ: ആപ്പിള്‍ ഉത്പന്നങ്ങളുടെ ആരാധകര്‍ക്ക് ഒരു സന്തോഷ വാര്‍ത്ത. ആപ്പിളിന്‍റെ ബജറ്റ്-സൗഹാര്‍ദ സ്‌മാര്‍ട്ട്‌ഫോണായ ഐഫോണ്‍ 17ഇ (iPhone 17e) 2026 ഫെബ്രുവരിയില്‍ അവതരിപ്പിക്കപ്പെടും എന്നാണ് സ്ഥിരീകഐഫോണ്‍ 17ഇ ക്യാമറ അപ്‌ഗ്രേഡുകള്‍

ഐഫോണ്‍ 17 മോഡലിലേതിന് സമാനമായ സെല്‍ഫി ക്യാമറ ഐഫോണ്‍ 17ഇ-യ്‌ക്ക് ലഭിക്കുമെന്നാണ് അനലിസ്റ്റായ ജെഫ് പറയുന്നത്. മുമ്പ് 12-മെഗാപിക്സല്‍ ഫ്രണ്ട് ക്യാമറയുണ്ടായിരുന്ന സ്ഥാനത്ത് ആപ്പിള്‍ ഈ വര്‍ഷമാണ് ഐഫോണ്‍ 17 സ്റ്റാന്‍ഡേര്‍ഡ് മോഡലില്‍ 18 എംപി സെല്‍ഫി സെന്‍സര്‍ ഉള്‍ക്കൊള്ളിച്ചത്. ആപ്പിളിന്‍റെ അഫോര്‍ഡബിള്‍ സ്മാര്‍ട്ട്ഫോണ്‍ എന്ന വിശേഷണമുള്ള ഐഫോണ്‍ ഇ മോഡലിലേക്കും സമാന 18-മെഗാപിക്‌സല്‍ ക്യാമറ കൊണ്ടുവരുമെന്ന് ജെഫ് പറയുന്നു. ഫോണ്‍ തിരിക്കാതെ തന്നെ വെര്‍ടിക്കല്‍, ഹൊറിസോണ്ടല്‍ സെല്‍ഫികളെടുക്കാന്‍ പാകത്തിലുള്ളതായിരിക്കും ഐഫോണ്‍ 17ഇ-യിലെ ഈ 18 എംപി സെന്‍സര്‍. പുതിയ എഐ19 ചിപ്പ്, ഡൈനാമിക് ഐലന്‍ഡ് തുടങ്ങിയ ഡിസൈന്‍, ഹാര്‍ഡ്‌വെയര്‍ അപ്‌ഗ്രേഡുകളും ഐഫോണ്‍ 17ഇ-യില്‍ വന്നേക്കും.

ഐഫോണ്‍ 17ഇ: പ്രതീക്ഷിക്കുന്ന സ്പെസിഫിക്കേഷനുകള്‍

ഐഫോണ്‍ 17ഇ മുന്‍ഗാമിയിലേത് പോലുള്ള 60 ഹെര്‍ട്‌സ് റിഫ്രഷ് റേറ്റോടെയുള്ള 6.1 ഇഞ്ച് ഒഎല്‍ഇഡി ഡിസ്‌പ്ലെയാണ് അവതരിപ്പിക്കുക എന്നാണ് ലീക്കുകള്‍ സൂചിപ്പിക്കുന്നത്. സിംഗിള്‍ 48-മെഗാപിക്‌സല്‍ റിയര്‍ ക്യാമറയിലും മാറ്റമുണ്ടായേക്കില്ല. എന്നാല്‍ ക്യാമറ പ്രകടനത്തില്‍ ചില മെച്ചപ്പെടുത്തലുകള്‍ പ്രതീക്ഷിക്കുന്നു. 4,000 എംഎഎച്ച് ബാറ്ററി കരുത്തില്‍ 20 വാട്‌സ് വയേര്‍ഡ് ഫാസ്റ്റ് ചാര്‍ജിംഗായിരിക്കും. എന്നാല്‍ എല്ലാ ആപ്പിള്‍ ഉത്പന്നങ്ങളെയും പോലെ ലോഞ്ച് സമയത്ത് മാത്രമേ ഐഫോണ്‍ 17ഇ-യുടെ മുഴുവന്‍ സവിശേഷതകളും കമ്പനി പുറത്തുവിടുകയുള്ളൂ.രിക്കാത്ത റിപ്പോര്‍ട്ട്. വിലക്കുറവുണ്ടാകുമെങ്കിലും ഫ്ലാഗ്‌ഷിപ്പ് ഐഫോണ്‍ 17ന് സമാനമായ ക്യാമറ ഫീച്ചറുകള്‍ ഐഫോണ്‍ 17ഇ-യിലുണ്ടാകും എന്നാണ് സൂചനകള്‍. ചിത്രങ്ങളുടെ നിലവാരം വര്‍ധിപ്പിക്കുന്ന പുതിയ സെല്‍ഫി സെന്‍സര്‍ ഐഫോണ്‍ 17ഇ-യ്ക്ക് ലഭിക്കുമെന്ന് ലീക്കുകള്‍ അവകാശപ്പെടുന്നു.

The post ഫെബ്രുവരിയില്‍ അടുത്ത ഐഫോണ്‍ ലോഞ്ച്; വമ്പന്‍ ക്യാമറ അപ്‌ഗ്രേഡുമായി ഐഫോണ്‍ 17ഇ വരും- റിപ്പോര്‍ട്ട് appeared first on Starvision News Malayalam.

മാരുതി സുസുക്കിയുടെ വിൽപ്പന കണക്കുകളെക്കുറിച്ച് പറയുകയാണെങ്കിൽ, 2025 ഒക്ടോബറിൽ 20,791 യൂണിറ്റ് ഡിസയർ വിറ്റു. 2024 ഒക്ടോബറിൽ 12,698 യൂണിറ്റുകൾ വിറ്റു. അതായത് 8,093 യൂണിറ്റുകൾ കൂടുതൽ വിറ്റു, 63.73% വളർച്ചയുണ്ടായി. 2025 ഒക്ടോബറിൽ 20,087 യൂണിറ്റ് എർട്ടിഗ വിറ്റു. 2024 ഒക്ടോബറിൽ 18,785 യൂണിറ്റുകൾ വിറ്റു. അതായത് 1,302 യൂണിറ്റുകൾ കൂടുതൽ വിറ്റു, 6.93% വളർച്ചയുണ്ടായി. 2025 ഒക്ടോബറിൽ 18,970 യൂണിറ്റ് വാഗൺആർ വിറ്റു. 2024 ഒക്ടോബറിൽ 13,922 യൂണിറ്റുകൾ വിറ്റു. അതായത് 5,048 യൂണിറ്റുകൾ കൂടുതൽ വിറ്റു, 36.26% വളർച്ചയുണ്ടായി.

2024 ഒക്ടോബറിൽ വിറ്റ 16,419 യൂണിറ്റുകളുമായി താരതമ്യം ചെയ്യുമ്പോൾ, 2025 ഒക്ടോബറിൽ ഫ്രോങ്ക്സ് 17,003 യൂണിറ്റുകൾ വിറ്റു. അതായത് 584 യൂണിറ്റുകൾ കൂടുതൽ വിറ്റു, 3.56% വളർച്ച കാണിക്കുന്നു. 2024 ഒക്ടോബറിൽ വിറ്റ 16,082 യൂണിറ്റുകളുമായി താരതമ്യം ചെയ്യുമ്പോൾ, 2025 ഒക്ടോബറിൽ ബലേനോ 16,873 യൂണിറ്റുകൾ വിറ്റു. അതായത് 791 യൂണിറ്റുകൾ കൂടുതൽ വിറ്റു, 4.92% വളർച്ച കാണിക്കുന്നു. 2024 ഒക്ടോബറിൽ വിറ്റ 17,539 യൂണിറ്റുകളുമായി താരതമ്യം ചെയ്യുമ്പോൾ, 2025 ഒക്ടോബറിൽ സ്വിഫ്റ്റ് 15,542 യൂണിറ്റുകൾ വിറ്റു. അതായത് 1,997 യൂണിറ്റുകൾ കുറവ് വിറ്റു, 11.39% ഇടിവ് കാണിക്കുന്നു.

2025 ഒക്ടോബറിൽ ഈക്കോ 13,537 യൂണിറ്റുകൾ വിറ്റഴിച്ചു, 2024 ഒക്ടോബറിൽ വിറ്റഴിച്ച 11,653 യൂണിറ്റുകളുമായി താരതമ്യം ചെയ്യുമ്പോൾ, 1,884 യൂണിറ്റുകളുടെ വർദ്ധനവ്, 16.17% വളർച്ച. വിക്ടോറിസ് 2025 ഒക്ടോബറിൽ 13,496 യൂണിറ്റുകൾ വിറ്റഴിച്ചു. 2024 ഒക്ടോബറിൽ വിറ്റഴിച്ച 16,565 യൂണിറ്റുകളുമായി താരതമ്യം ചെയ്യുമ്പോൾ, 2025 ഒക്ടോബറിൽ ബ്രെസ്സ 12,072 യൂണിറ്റുകൾ വിറ്റഴിച്ചു, ഇത് 4,493 യൂണിറ്റുകളുടെ വർദ്ധനവ്, 27.12% കുറവ്.

2024 ഒക്ടോബറിൽ 14,083 യൂണിറ്റുകൾ വിറ്റ ഗ്രാൻഡ് വിറ്റാര 2025 ഒക്ടോബറിൽ 10,409 യൂണിറ്റുകൾ വിറ്റു. അതായത് 3,674 യൂണിറ്റുകൾ കൂടുതൽ വിറ്റു, 26.09% ഇടിവ്. 2024 ഒക്ടോബറിൽ വിറ്റ 8,548 യൂണിറ്റുകളെ അപേക്ഷിച്ച് ആൾട്ടോ കെ10 2025 ഒക്ടോബറിൽ 6,210 യൂണിറ്റുകൾ വിറ്റു. അതായത് 2,338 യൂണിറ്റുകൾ കൂടുതൽ വിറ്റു, 27.35% ഇടിവ്. 2024 ഒക്ടോബറിൽ വിറ്റ 3,285 യൂണിറ്റുകളെ അപേക്ഷിച്ച് 2025 ഒക്ടോബറിൽ എക്സ്എൽ6 3,611 യൂണിറ്റുകൾ വിറ്റു. അതായത് 326 യൂണിറ്റുകൾ കൂടുതൽ വിറ്റു, 9.92% വളർച്ച.

2024 ഒക്ടോബറിൽ വിറ്റ 2,139 യൂണിറ്റുകളെ അപേക്ഷിച്ച് 2025 ഒക്ടോബറിൽ എസ്-പ്രസ്സോ 2,857 യൂണിറ്റുകൾ വിറ്റു. അതായത് 718 യൂണിറ്റുകൾ കൂടുതൽ വിറ്റു, 33.57% വളർച്ച കാണിക്കുന്നു. 2024 ഒക്ടോബറിൽ വിറ്റ 2,663 യൂണിറ്റുകളെ അപേക്ഷിച്ച് 2025 ഒക്ടോബറിൽ ഇഗ്നിസ് 2,645 യൂണിറ്റുകൾ വിറ്റു. അതായത് 18 യൂണിറ്റുകൾ കൂടുതൽ വിറ്റു, 0.68% ഇടിവ് കാണിക്കുന്നു. 2024 ഒക്ടോബറിൽ വിറ്റ 3,044 യൂണിറ്റുകളെ അപേക്ഷിച്ച് 2025 ഒക്ടോബറിൽ സെലേറിയോ 1,322 യൂണിറ്റുകൾ വിറ്റു. അതായത് 1,722 യൂണിറ്റുകൾ കൂടുതൽ വിറ്റു, 56.57% ഇടിവ് കാണിക്കുന്നു.

2024 ഒക്ടോബറിൽ വിറ്റഴിച്ച 1,211 യൂണിറ്റുകളെ അപേക്ഷിച്ച് 2025 ഒക്ടോബറിൽ ജിംനി 592 യൂണിറ്റുകൾ വിറ്റു. അതായത് 619 യൂണിറ്റുകൾ കൂടുതൽ വിറ്റു, അതിന്റെ ഫലമായി 51.11% ഇടിവ്. 2024 ഒക്ടോബറിൽ വിറ്റഴിച്ച 296 യൂണിറ്റുകളെ അപേക്ഷിച്ച് ഇൻവിക്റ്റോ 2025 ഒക്ടോബറിൽ 301 യൂണിറ്റുകൾ വിറ്റു. അതായത് 5 യൂണിറ്റുകൾ കൂടുതൽ വിറ്റു, അതിന്റെ ഫലമായി 1.69% വളർച്ച. 2024 ഒക്ടോബറിൽ വിറ്റഴിച്ച 659 യൂണിറ്റുകളെ അപേക്ഷിച്ച് സിയാസ് 2025 ഒക്ടോബറിൽ 0 യൂണിറ്റുകൾ വിറ്റു. അതായത് 659 യൂണിറ്റുകൾ കൂടുതൽ വിറ്റു, അതിന്റെ ഫലമായി 100% ഇടിവ്.

The post മാരുതിയുടെ കിരീടം ഡിസയറിന്; ഇതാ വിൽപ്പന കണക്കുകൾ appeared first on Starvision News Malayalam.

കൊച്ചി : ഇന്ത്യയിലെ ആദ്യ എഐ പവേര്‍ഡ് ബ്രാന്‍ഡിംഗ്, മാര്‍ക്കറ്റിംഗ് ഏജന്‍സി വൈറ്റ് പേപ്പറും എഐ സാങ്കേിതക വിദ്യയില്‍ നൂതന പരീക്ഷണങ്ങളില്‍ ഏര്‍പ്പെടുന്ന സ്‌കില്‍ക്ലബും കൈകോര്‍ക്കുന്നു. എഐയിലൂടെ മാര്‍ക്കറ്റിംഗ്, ബ്രാന്‍ഡിംഗ്, പിആര്‍, വീഡിയോ പ്രൊഡക്ഷന്‍ എന്നീ മേഖലകളില്‍ വിപ്ലവകരമായ മാറ്റങ്ങള്‍ക്ക് ഈ കൂടിച്ചേരലൂടെ ലക്ഷ്യമിടുന്നു. കേരളത്തിലെ ആദ്യ എഐ ഇന്‍ഫ്ലുവന്‍സര്‍ അശ്വതി അച്ചു എഐയുടെ പിന്നിലും സ്‌കില്‍ ക്ലബാണ്. എം.എസ്. കാശിനാഥാണ് സ്‌കില്‍ക്ലബിന്റെ സ്ഥാപകനും സിഇഓയും.

സ്‌കില്‍ക്ലബുമായി ചേര്‍ന്ന് പ്രവര്‍ത്തിക്കാനുള്ള തീരുമാനം കേവലം ഒരു ചവിട്ടുപടിയല്ല ഭാവിയുടെ നിര്‍മാണമാണെന്ന് വൈറ്റ്‌പേപ്പര്‍ സിഇഒ ജിഷ്ണു ലക്ഷ്മണ്‍ പറഞ്ഞു. എഐയുടെ പൂര്‍ണശേഷി ഉപയോഗിച്ചുകൊണ്ട് ബ്രാന്‍ഡുകളെ ലോകമെങ്ങും എത്തിക്കുന്ന ഭാവിയിലേക്കുള്ള യാത്രയിലാണ് വൈറ്റ് പേപ്പറെന്നും ജിഷ്ണു ലക്ഷ്മണ്‍ പറഞ്ഞു.

കേരളത്തിന്റെ ആദ്യത്തെ എഐ ഇന്‍ഫ്‌ലുവന്‍സറാണ് അശ്വതി അച്ചു. പൂര്‍ണമായും ജനറേറ്റീവ് എഐ ഉപയോഗിച്ച് സ്‌കില്‍ക്ലബ് സൃഷ്ടിച്ച അശ്വതി, സോഷ്യല്‍ മീഡിയ ഫീഡിലെ ഒരു മുഖം മാത്രമല്ല ഡിജിറ്റല്‍ ഐഡന്റിറ്റിയുടെയും, സ്റ്റോറിയെല്ലിംഗിന്റെയും, ഇന്‍ഫ്‌ലുവന്‍സിന്റെയും ഭാവിയിലേക്ക് എടുത്ത് വെക്കുന്ന ധൈര്യമായൊരു ചുവടുവെപ്പ് കൂടിയാണ്. നമ്മുടെ ഭാഷ സംസാരിക്കാനും, നമ്മുടെ സംസ്‌കാരത്തെ പിന്തുടരാനും, രൂപകല്‍പ്പന ഒരു കല്പിത പ്രതിച്ഛായയാണ് അശ്വതി അച്ചു. മലയാളത്തില്‍ റീലുകളും, നാടന്‍ ടച്ചുള്ള ബ്രാന്‍ഡ് ക്യാമ്പെയ്നുകളും വഴി പുതുതലമുറയെ ആകര്‍ഷിക്കുന്ന തരത്തിലും ബ്രാന്‍ഡിങ് മാര്‍ക്കറ്റിങ് സമീപനമാണ് അശ്വതി അച്ചുവിന്റെ രൂപകല്‍പനയുടെ പിന്നില്‍.

ബാംഗ്ലൂര്‍ ആസ്ഥാനമായി പ്രവര്‍ത്തിക്കുന്ന എഐ പവേര്‍ഡ് 360 ഡിഗ്രീ ബ്രാന്‍ഡിംഗ്,മാര്‍ക്കറ്റിംഗ് ഏജന്‍സിയാണ് വൈറ്റ്‌പേപ്പര്‍. എഐ അടക്കമുള്ള അത്യാധുനിക സാങ്കേതിക വളര്‍ച്ചയെ ഉപയോഗിച്ചുള്ള ക്രിയേറ്റീവ് സ്‌റ്റോറി ടെല്ലിങ്ങും , ബ്രാന്‍ഡിംഗ്, മാര്‍ക്കറ്റിംഗും വൈറ്റ് പേപ്പറിനെ വ്യത്യസ്തരാക്കുന്നു. പിആര്‍, മാര്‍ക്കറ്റിംഗ്, ഫിലിം പ്രമോഷന്‍, പേഴ്‌സണല്‍ പിആര്‍, ബ്രാന്‍ഡിംഗ്, മാര്‍ക്കറ്റിംഗ് ക്യാമ്പെയ്‌നുകളുമായി പത്താം വര്‍ഷത്തിലേക്ക് കടന്നിരിക്കുകയാണ് വൈറ്റ്‌പേപ്പര്‍. ഇന്ത്യയ്ക്കു പുറമെ ദുബായ്, ഓസ്‌ട്രേലിയ അടക്കമുള്ള രാജ്യങ്ങളിലെ നൂറില്‍ അധികം ബ്രാന്‍ഡുകളുമായി ചേര്‍ന്ന് വൈറ്റ്‌പേപ്പര്‍ പ്രവര്‍ത്തിച്ചുവരുന്നു. വ്യത്യസ്ത ആശയങ്ങള്‍ ടാര്‍ഗറ്റ് ഗ്രൂപ്പിലേക്ക് എത്തിക്കുന്നതിലുള്ള കഴിവാണ് വൈറ്റ്‌പേപ്പറിന്റെ കരുത്ത്. ബ്രാന്‍ഡുകളുടെ പ്രചരണം മാത്രമല്ല, വളര്‍ച്ചയെക്കൂടി സഹായിക്കുന്ന മാര്‍ക്കറ്റിംഗ് തന്ത്രങ്ങളാണ് വൈറ്റ്‌പേപ്പറിനെ മറ്റുള്ളവരില്‍നിന്ന് വേറിട്ടുനിര്‍ത്തുന്നത്.
Jishnulaxman
@pr.Whitepaper
@skillclub
@aswathi achu ai

The post ബ്രാൻഡിംഗ് മാര്‍ക്കറ്റിംഗ് മേഖലയില്‍ മാറ്റത്തിന് വഴിയൊരുക്കി വൈറ്റ്‌പേപ്പറും സ്‌കില്‍ക്ലബും ഒരുമിക്കുന്നു. appeared first on Starvision News Malayalam.

തിരുവനന്തപുരം: സംവിധായകൻ ശ്രീദേവ് കപ്പൂർ രചനയും, സംവിധാനവും നിർവഹിക്കുന്ന പുതിയ ചിത്രം ‘ജഗള’ ഈ മാസം 18 ന് റിലീസ് ചെയ്യും. മലയാളത്തിലെ പല ചലച്ചിത്ര പ്രതിഭകളും ശ്രമിച്ചിട്ടും, നടക്കാതെ പോയ മലമ്പാർ കലാപം സിനിമയാക്കാൻ കഴിഞ്ഞതിൽ ഏറെ അഭിമാനമെന്ന് സംവിധായകൻ ശ്രീദേവ് കപ്പൂർ പ്രതികരിച്ചു.

സംസ്ഥാന ചലച്ചിത്ര അവാർഡിലും, ഐ.എഫ്.എഫ്.കെ.യിലും നാഷണൽ അവാർഡിലും ഇന്ത്യൻ പനോരമയിലും ഈ സിനിമ പരിഗണിക്കപ്പെട്ടില്ലായെങ്കിലും, കാനഡ സൗത്ത് ഏഷ്യൻ ഫിലിം ഫെസ്റ്റിവൽ പോലെയുള്ള നിരവധി ഇന്റർനാഷണൽ ഫിലിം ഫെസ്റ്റിവലുകളിൽ ചിത്രം പരിഗണിക്കപ്പെട്ടു.അതിൽ സന്തോഷമുണ്ട്. സംവിധായകൻ പറയുന്നു. ചിത്രം മുന്നോട്ട് വെക്കുന്ന രാഷ്ട്രീയമായിരിക്കാം ചിത്രം പരിഗണിക്കപ്പെടാതെ പോയതെന്ന് സംവിധായകൻ ശ്രീദേവ് കപ്പൂർ ആരോപിക്കുന്നു. മലബാർ കലാപവുമായി ബന്ധപ്പെട്ടു നിരവധി സിനിമകൾ അനൗൺസ് ചെയ്തെങ്കിലും പല ചിത്രങ്ങളും പൂർത്തിയായില്ല. അത് കൊണ്ട് തന്നെ ഈ സിനിമ പ്രേക്ഷകർ കാണണം
സംവിധായകൻ ശ്രീദേവ് കപ്പൂർ പറഞ്ഞു. വളരെ ശക്തമായ കഥയാണ് ചിത്രം പറയുന്നത്.

ലൗ എഫ് എം എന്ന ചിത്രത്തിന് ശേഷം ശ്രീദേവ് കപ്പൂർ മലബാർ ലഹളയുടെ പശ്ചാത്തലത്തിൽ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ജഗള’
കർഷകന്റെ മണ്ണും മനസ്സും വിയർപ്പും വിശപ്പും ഇഴചേർന്ന ഏറനാടൻ മണ്ണിലെ ഒരു ഗ്രാമത്തിൽ കലാപത്തിന്റെ ഭീതിയിൽ ജീവിക്കേണ്ടി വരുന്ന ഒരു കൂട്ടം നിഷ്കളങ്കരായ മനുഷ്യരുടെ കഥയാണ് ജഗള പറയുന്നത്.

കളരിക്കൽ ഫിലിംസിന്റെ ബാനറിൽ മനോജ് പണിക്കർ, സജിത്ത് പണിക്കർ, ജിതേഷ് പണിക്കർ എന്നിവർ ചേർന്നാണ് സിനിമ നിർമ്മിച്ചിരിക്കുന്നത്. ശ്രീദേവ് കപ്പൂർ & മുരളി റാം എന്നിവർ ചേർന്നാണ് രചന നിർവഹിച്ചിരിക്കുന്നത്.

മറീന മൈക്കിൾ, സന്തോഷ് കീഴാറ്റൂർ,സുനിൽ സുഗത, ബിറ്റോ ഡേവിഡ്, ബാലചന്ദ്രൻ ചുള്ളിക്കാട്, അപ്പുണ്ണി ശശി,കണ്ണൻ പട്ടാമ്പി, മുഹമ്മദ് പേരാമ്പ്ര,വിജയൻ വി നായർ, വിനായക്,പാർത്ഥസാരഥി, വിജയൻ ചാത്തന്നൂർ, ലത്തീഫ് കുറ്റിപ്പുറം, വാരിജാക്ഷൻ തിരുവണ്ണൂർ, പട്ടാമ്പി ചന്ദ്രൻ, മുഹമ്മദ് ഇരവട്ടൂർ, മുരളി റാം,,രമാദേവി കോഴിക്കോട്, അഞ്ചു അരവിന്ദ്,രാധ ലക്ഷ്മി, മീനാ രാഘവൻ,നിഷ അജീഷ് തുടങ്ങിയവരും അഭിനയിക്കുന്നു. അതോടൊപ്പം നിരവധി നാടക കലാകാരമാരെയും പുതുമുഖങ്ങളെയും ഈ സിനിമയിലൂടെ ശ്രീദേവ് കപ്പൂർ പരിചയപ്പെടുത്തുന്നുണ്ട്.
സംസ്ഥാന അവാർഡ് ജേതാവും പ്രശസ്ത സംവിധായകനുമായ സനൽ കുമാർ ശശിധരന്റെ സംവിധാന സഹായിയായി 2007 ലാണ് ശ്രീദേവ് കപ്പൂരിന്റെ സിനിമ കരിയർ ആരംഭിക്കുന്നത്. സംവിധായകരായ ഹരികുമാർ, കെ കെ. ഹരിദാസ്, സുനിൽ, ഹരിദാസ്, ശരത് ചന്ദ്രൻ വയനാട്,സലിം ബാബ, ജയൻ പൊതുവാൾ,ഷാനു സമദ് തുടങ്ങി മലയാള സിനിമ രംഗത്തെ നിരവധി പേരുടെ അസോസിയേറ്റ് ഡയറക്ടരായി ശ്രീദേവ് കപ്പൂർ പ്രവർത്തിച്ചുണ്ട്.

The post ശ്രീദേവ് കപ്പൂരിന് അഭിമാനക്കാം , ചരിത്ര പ്രസിദ്ധമായ മലമ്പാർ കലാപം പറയുന്ന’ജഗള’.18 ന് എത്തും. appeared first on Starvision News Malayalam.

ദില്ലി: ആഗോള ക്രൂഡ് ഓയിൽ വിലയിലുണ്ടായ ഇടിവ് ഡോളറിനെതിരെ രൂപയുടെ മൂല്യത്തെ ഉയർത്തി. രൂപയുടെ മൂല്യം 22 പൈസ ഉയർന്ന് 85.72 എന്ന നിലയിലാണ് വ്യാപാരം ആരംഭിച്ചത്. പിന്നീട് 18 പൈസ കൂടി ഉയർന്ന് ഒരു ഡോളറിന് 85 രൂപ 67 പൈസ എന്ന നിലയില്‍ വിനിമയം തുടരുന്നു. വിദേശ നിക്ഷേപകർ തിരിച്ച് വന്നതും രൂപയ്ക്ക് ശക്തി നൽകിയിട്ടുണ്ട്.

ഇന്നലെ യുഎസ് ഡോളറിനെതിരെ 54 പൈസയുടെ കുത്തനെ ഇടിഞ്ഞ് 85.94 ലാണ് രൂപ വ്യാപാരം അവസാനിപ്പിച്ചത്. ആർ‌ബി‌ഐ ഡോളർ വിൽപ്പന നടത്തിയിരിക്കാം എന്നാണ് സൂചന. രൂപയെ പിടിച്ചു നിർത്താൻ ആവശ്യ സമയങ്ങളിൽ ആർബിഐ കൃത്യമായ ഇടപെടലുകൾ നടത്താറുണ്ട്. ഇന്ന് രാവിലെ ഏഷ്യൻ കറൻസികൾ നേരിയ പുരോഗതി കാണിച്ചതിനെത്തുടർന്ന് രൂപയുടെ മൂല്യം അല്പം ഉയർന്നു. അതേസമയം, ബ്രെന്റ് ക്രൂഡ് ഓയിൽ വില 0.37 ശതമാനം ഇടിഞ്ഞ് ബാരലിന് 69.32 യുഎസ് ഡോളറിലെത്തി.

കൂടാതെ ട്രംപിന്റെ പുതിയ താരിഫുകൾ സ്വാധീനിച്ചിട്ടുണ്ട്. 12 രാജ്യങ്ങളിൽ ട്രംപിന്റെ ഏറ്റവും പുതിയ താരിഫുകൾ നിക്ഷേപകർ വിലയിരുത്തിയതോടെ ക്രൂഡ് ഓയിൽ വില 69.28 ഡോളറായി കുറഞ്ഞു, കൂടാതെ, ഡോളർ സൂചിക 0.19% ഇടിഞ്ഞ് 97.29 ആയി.

The post തളർന്നാലും തകരില്ല, ഡോളറിനെതിരെ നില മെച്ചപെടുത്തി രൂപ; കൃത്യമായി നീക്കം നടത്തി ആർബിഐ appeared first on Starvision News Malayalam.

ഓക്ടോബർ ഏഴിന്‍റെ ഹമാസ് ആക്രമണത്തിന് പിന്നാലെ. പലസ്തീന്‍, ലബനണന്‍, ഇറാന്‍ തുടങ്ങിയ രാജ്യങ്ങളോട് യുദ്ധത്തിനിറങ്ങിയ ഇസ്രയേലില്‍ ഇപ്പോൾ യുദ്ധം ചെയ്യാന്‍ യുവാക്കളെ കിട്ടുന്നില്ലെന്ന് റിപ്പോര്‍ട്ട്. സൈന്യം നേരിടുന്ന പ്രതിസന്ധി പരിഹരിക്കാന്‍ 54,000 തീവ്ര ഓർത്തഡോക്സ് വിദ്യാര്‍ത്ഥികളോട് സൈന്യത്തില്‍ ചേരാന്‍ ആവശ്യപ്പെട്ടിരിക്കുകയാണ്. കടുത്ത എതിര്‍പ്പുകൾ പല ഭാഗത്ത് നിന്നും ഉയരുന്നുണ്ടെങ്കിലും വിദ്യാര്‍ത്ഥികൾക്ക് ഇത് സംബന്ധിച്ച് നോട്ടീസയക്കാനാണ് സൈന്യത്തിന്‍റെ (IDF) തീരുമാനം. ഇതിനായി ഇസ്രയേൽ സുപ്രീം കോടതിയുടെ വിധിയും സൈന്യം ഉയർത്തിക്കാട്ടുന്നു.

രാജ്യത്തെ ജനസംഖ്യയിലെ 13 ശതമാനം മാത്രം വരുന്ന ചെറിയ വിഭാഗമെന്ന പരിഗണന നല്‍കി ഇസ്രയേലിലെ തീവ്ര ഓർത്തഡോക്സ് ജൂത സെമിനാരികളിലെ വിദ്യാര്‍ത്ഥികൾക്ക് (Yeshiva students) പതിറ്റാണ്ടുകളായി സൈനിക സേനത്തില്‍ നിന്നും ഇളവ് ലഭിച്ചിരുന്നു. ഈ ഇളവ് കഴിഞ്ഞ വര്‍ഷം ഇസ്രയേല്‍ സുപ്രീം കോടതി എടുത്ത് കളഞ്ഞു. രാജ്യത്ത് 18 വയസ് പൂര്‍ത്തിയാകുന്ന കൗമാരക്കാര്‍ക്ക് രണ്ട് വര്‍ഷം നിര്‍ബന്ധ സൈനിക സേവനം ചെയ്യാണം. തുടർന്ന് സൈന്യത്തിൽ അധിക നിയമനങ്ങളും നല്‍കിയിരുന്നു.

എന്നാല്‍ തീവ്ര ഓർത്തഡേക്സ് വിദ്യാര്‍ത്ഥികളെ ഇതില്‍ നിന്നും നിയമപരമായി ഒഴിവാക്കിയിരുന്നു. എന്നാല്‍, രണ്ടര വര്‍ഷമായി തുടരുന്ന യുദ്ധത്തില്‍ പരിക്കുകളും ആൾനാശവും മാനസിക പ്രശ്നങ്ങളും സൈന്യത്തെ ബാധിക്കുകയും തളര്‍ത്തുകയും ചെയ്തു. ഇതോടെ യുദ്ധ മുഖത്തെ സൈനിക ബലം കുറഞ്ഞു. ഇതോടെയാണ് തീവ്ര ഓർത്തഡോക്സ് വിദ്യാര്‍ത്ഥികളെയും സൈന്യത്തിലേക്ക് എടുക്കണമെന്ന ആവശ്യം ഉയര്‍ന്നത്. ഈ ആവശ്യത്തിനെതിരെ നെതന്യാഹു സര്‍ക്കാറിന്‍റെ ഭാഗമായ തീവ്ര വലത് പക്ഷ ഹാരഡി പാർട്ടികൾ എതിര്‍പ്പ് അറിയിക്കുയും നിമയ നിര്‍മ്മാണം വേണമെന്ന് ആവശ്യപ്പെടുകയും ചെയ്തിരുന്നു. അതേസമയം, ‘ഒഴിവാക്കുന്നവരുടെ ഭരണം അവസാനിപ്പിക്കേണ്ട സമയം അതിക്രമിച്ചിരിക്കുന്നു. എല്ലാവർക്കും നിർബന്ധിത സൈനികസേവനം. അതാണ് കാലഘട്ടത്തിന്‍റെ ആവശ്യമെന്നായിരുന്നു ഇസ്രയേൽ ബെയ്‌റ്റെന്‍ ചെയർമാൻ അവിഗ്‌ഡോർ ലിബർമാൻ പറഞ്ഞത്. നെതന്യാഹുവിന്‍റെ യുഎസ് സന്ദര്‍ശനത്തിന് മുമ്പ് തീവ്ര ഓർത്തഡോക്സ് വിദ്യാര്‍ത്ഥികളെ സൈനിക സേവനത്തില്‍ നിന്നും ഒഴിവാക്കുന്ന ബില്ല് കൊണ്ടുവരാനാണ് ഹാരേദി പാർട്ടികളുടെ ശ്രമമെന്നും ടൈംസ് ഓഫ് ഇസ്രയേൽ റിപ്പോര്‍ട്ട് ചെയ്യുന്നു.

The post യുദ്ധം ചെയ്യാൻ സൈന്യമില്ല, 54,000 തീവ്ര ഓര്‍ത്തഡോക്സ് വിദ്യാര്‍ത്ഥികളോട് സൈന്യത്തിൽ ചേരാൻ ആവശ്യപ്പെട്ട് ഇസ്രയേൽ appeared first on Starvision News Malayalam.

തിരുവനന്തപുരം: അടുത്ത വർഷത്തെ സംസ്ഥാന സ്കൂൾ കലോത്സവം, കായിക മേള എന്നിവ നടക്കുന്ന ജില്ലകൾ പ്രഖ്യാപിച്ചു. സ്കൂൾ കലോത്സവം തൃശ്ശൂരിലും, കായിക മേള തിരുവനന്തപുരത്തുമാണ് നടക്കുക. കലോത്സവവും കായിക മേളയും ജനുവരിയിൽ നടക്കും. കായിക മേള ‘സ്കൂൾ ഒളിമ്പിക്സ്’ എന്ന പേരിലാണ് തിരുവനന്തപുരത്തു നടക്കും. ശാസ്ത്ര മേള പാലക്കാടും സ്പെഷ്യൽ സ്കൂൾ മേള മലപ്പുറത്തും നടക്കും.

2025 ൽ നടന്ന സംസ്ഥാന സ്കൂൾ കലോത്സവത്തിൽ തൃശൂർ ആയിരുന്നു കപ്പടിച്ചത്. ഒരു പോയിന്റിന് പാലക്കാടിനെ മറികടന്നാണ് കാൽ നൂറ്റാണ്ടിന് ശേഷം തൃശൂർ ചാമ്പ്യന്മാരായത്. സമാപനസമ്മേളനത്തിൽ വിദ്യാർത്ഥികൾക്ക് ആവേശമായി ആസിഫ് അലിയും ടൊവിനോ തോമസും അതിഥികളായെത്തിയിരുന്നു.

The post അടുത്ത വർഷത്തെ സംസ്ഥാന സ്കൂൾ കലോത്സം, കായിക മേള വേദികൾ പ്രഖ്യാപിച്ചു; തൃശൂരും തിരുവനന്തപുരവും വേദിയാകും appeared first on Starvision News Malayalam.

കൊവിഡ് കാലം സൃഷ്ടിച്ച പ്രതിസന്ധിയില്‍ നിന്ന് ഇന്ത്യന്‍ സിനിമ കഴിഞ്ഞ വര്‍ഷം തന്നെ കരകയറിയിരുന്നു. ബോളിവുഡിലെ മുന്‍നിര താരങ്ങളില്‍ ഭൂരിപക്ഷത്തിനും പഴയ മട്ടിലുള്ള വിജയങ്ങള്‍ സൃഷ്ടിക്കാന്‍ കഴിയുന്നില്ലെങ്കിലും അവിടെ വിജയ ചിത്രങ്ങള്‍ സംഭവിക്കുന്നുണ്ട്. മുന്‍നിര താരങ്ങള്‍ വലിയ പരാജയങ്ങള്‍ നേരിടേണ്ടിവന്ന മറ്റൊരു ഇന്‍ഡസ്ട്രി കോളിവുഡ് ആണ്. മലയാളത്തെ സംബന്ധിച്ച് മോഹന്‍ലാലിലൂടെ വലിയ കളക്ഷന്‍ നേടിയ വര്‍ഷമാണ് ഇത്. രാജ്യമൊട്ടാകെ സിനിമാപ്രേമികള്‍ ബോക്സ് ഓഫീസ് കളക്ഷന്‍ കൂടുതലായി ശ്രദ്ധിക്കുന്ന കാലമാണ് ഇത്. ഇപ്പോഴിതാ ഈ വര്‍ഷം ആദ്യ പകുതി പിന്നിടുമ്പോള്‍ ഇന്ത്യന്‍ സിനിമയില്‍ ഏറ്റവും കളക്ഷന്‍ നേടിയ ചിത്രങ്ങള്‍ ഏതൊക്കെയെന്ന ലിസ്റ്റ് ആണ് ചുവടെ. പതിവിന് വിപരീതമായി മോളിവുഡ് സാന്നിധ്യമാണ് ലിസ്റ്റിലെ പ്രത്യേകത. ഒന്നല്ല, രണ്ട് ചിത്രങ്ങളുണ്ട് അര്‍ധവാര്‍ഷിക കണക്കെടുപ്പിലെ ആദ്യ പത്തില്‍ മലയാളത്തില്‍ നിന്ന്.

ഇന്ത്യന്‍ സിനിമയില്‍ ഈ വര്‍ഷം ആദ്യ പകുതിയില്‍ ഏറ്റവും കളക്ഷന്‍ നേടിയ പത്ത് ചിത്രങ്ങളില്‍ അഞ്ചെണ്ണം ബോളിവുഡില്‍ നിന്നാണ്. മലയാളത്തില്‍ നിന്നും തെലുങ്കില്‍ നിന്നും രണ്ട് ചിത്രങ്ങള്‍ വീതം. തമിഴില്‍ നിന്ന് ഒരു സിനിമയും ഇടംപിടിച്ചിട്ടുണ്ട്. ഒന്നാം സ്ഥാനത്ത് ബോളിവുഡ് ചിത്രം ഛാവയാണ്. ആഗോള ബോക്സ് ഓഫീസില്‍ നിന്ന് 807.88 കോടിയാണ് ചിത്രം നേടിയത്. രണ്ടാം സ്ഥാനത്തും മറ്റൊരു ബോളിവുഡ് ചിത്രമാണ്. അക്ഷയ് കുമാറും അഭിഷേക് ബച്ചനും റിതേഷ് ദേശ്മുഖും പ്രധാന കഥാപാത്രങ്ങളെ അവതരിപ്പിച്ച ഹൗസ്‍ഫുള്‍ 5. 288.1 കോടിയാണ് ചിത്രത്തിന്‍റെ ഇതുവരെയുള്ള കളക്ഷന്‍.

3, 4, 5 സ്ഥാനങ്ങളില്‍ തെന്നിന്ത്യന്‍ ചിത്രങ്ങളാണ്. മൂന്നാം സ്ഥാനത്ത് മോഹന്‍ലാലിന്‍റെ മലയാള ചിത്രം എമ്പുരാന്‍. നാലാമത് വെങ്കടേഷ് നായകനായ തെലുങ്ക് ചിത്രം സംക്രാന്തികി വസ്തുനവും അഞ്ചാമത് അജിത്ത് കുമാറിന്‍റെ തമിഴ് ചിത്രം ഗുഡ് ബാഡ് അഗ്ലിയും. എമ്പുരാന്‍ 265.5 കോടിയും സംക്രാന്തികി വസ്തുനം 255.2 കോടിയും ഗുഡ് ബാഡ് അഗ്ലി 246.15 കോടിയുമാണ് നേടിയത്. ആറാമത് അജയ് ദേവ്ഗണ്‍ നായകനായ ബോളിവുഡ് ചിത്രം റെയ്ഡ് 2 ആണ്. 237 കോടിയാണ് ചിത്രത്തിന്‍റെ നേട്ടം. ഏഴാം സ്ഥാനത്ത് വീണ്ടും മലയാളം. മോഹന്‍ലാല്‍ നായകനായ തുടരും ആണ് ചിത്രം. 234.5 കോടിയാണ് കളക്ഷന്‍.

എട്ടാമത് ആമിര്‍ ഖാന്‍റെ തിരിച്ചുവരവ് ചിത്രമായ സിതാരെ സമീന്‍ പര്‍. ഇപ്പോഴും തിയറ്ററുകളിലുള്ള ചിത്രം ഇതിനകം നേടിയത് 214.5 കോടിയാണ്. വന്‍ ബജറ്റില്‍ ഒരുങ്ങി പ്രേക്ഷകപ്രീതി നേടിയതില്‍ പരാജയപ്പെട്ട തെലുങ്ക് ചിത്രം ഗെയിം ചേഞ്ചര്‍ ആണ് ഒന്‍പതാം സ്ഥാനത്ത്. 186.25 കോടിയാണ് കളക്ഷന്‍. സല്‍മാന്‍ ഖാന്‍റെ ബോളിവുഡ് ചിത്രം സിക്കന്ദര്‍ ആണ് പത്താമത്. 184.6 കോടിയാണ് ആഗോള ഗ്രോസ്.

The post മോഹന്‍ലാലിലൂടെ രണ്ടാമതെത്തി മോളിവുഡ്; ഇന്ത്യന്‍ സിനിമയില്‍ ഈ വര്‍ഷം ഏറ്റവും കളക്ഷന്‍ നേടിയ 10 ചിത്രങ്ങള്‍ appeared first on Starvision News Malayalam.

അബുദാബി: 30 വര്‍ഷം ഒരു ചെറിയ കാലയളവ് അല്ല, പക്ഷേ പ്രവാസി മലയാളിയായ ​ഗീതമ്മാൾ ശിവകുമാറിനിത് പ്രതീക്ഷയുടെയും കാത്തിരിപ്പിന്‍റെയും കാലയളവായിരുന്നു. അബുദാബി ബിഗ് ടിക്കറ്റില്‍ 30 വര്‍ഷമായി പങ്കെടുത്ത് വരികയായിരുന്നു ​ഗീതമ്മാൾ ശിവകുമാറിന്‍റെ ഭര്‍ത്താവ്. സ്ഥിരമായി ഭാഗ്യ പരീക്ഷണം നടത്താറുള്ള ഇദ്ദേഹത്തിന് ഇത്തവണ സമ്മാനം നേടിക്കൊടുത്തത് ഭാര്യയുടെ പേരില്‍ വാങ്ങിയ ടിക്കറ്റാണ്.

അബുദാബി ബിഗ് ടിക്കറ്റിന്‍റെ 276-ാമത് സീരീസ് നറുക്കെടുപ്പാണ് ഗീതമ്മാള്‍ ശിവകുമാറിന് വിജയം സമ്മാനിച്ചത്. എന്നാല്‍ ഇത് ക്യാഷ് പ്രൈസോ സ്വര്‍ണമോ അല്ല മറിച്ച്, ഒരു ആഢംബര കാറാണ്-പുതു പുത്തന്‍ നിസാന്‍ പട്രോള്‍ കാര്‍. 034308 എന്ന ടിക്കറ്റ് നമ്പരാണ് സമ്മാനാര്‍ഹമായത്. ജൂൺ 26ന് ഓൺലൈനായാണ് ഈ ടിക്കറ്റ് വാങ്ങിയത്. ഗീതമ്മാളും മകനും മൂന്നു കൊല്ലം മുൻപാണ് ദുബൈയിലേക്ക് പോയത്. അവരുടെ ഭർത്താവ് 30 വർഷമായി യുഎഇയിൽ തന്നെയായിരുന്നു. ഇദ്ദേഹമാണ് ബി​ഗ് ടിക്കറ്റ് കളിക്കാൻ തുടങ്ങിയത്.

വീട്ടില്‍ എല്ലാവരുടെയും പേരില്‍ പിതാവ് ടിക്കറ്റ് വാങ്ങാറുണ്ടെന്നും ഇത്തവണ ഭാഗ്യം കൈവന്നത് സന്തോഷം നല്‍കുന്നതായും ഗീതമ്മാളിന്‍റെ മകന്‍ പറഞ്ഞു. കാര്‍ വില്‍ക്കാനും അതുവഴി കിട്ടുന്ന പണത്തില്‍ തുടര്‍ന്നും ബിഗ് ടിക്കറ്റ് വാങ്ങാനുമാണ് കുടുംബത്തിന്‍റെ തീരുമാനം. നിരാശരാകരുത്, വീണ്ടും പരിശ്രമിക്കണം, ഒരു ദിവസം ഭാഗ്യം തേടിയെത്തുമെന്നുമാണ് ഇവര്‍ക്ക് പറയാനുള്ളത്. 

The post 30 വർഷത്തെ കാത്തിരിപ്പ്, ഭാര്യ കൊണ്ടുവന്ന ഭാഗ്യം, പ്രവാസി മലയാളിക്കിത് സ്വപ്ന നേട്ടം appeared first on Starvision News Malayalam.

തിരുവനന്തപുരം: സംസ്ഥാനത്ത് വരും ദിവസങ്ങളിൽ ട്രെയിൻ സര്‍വീസുകളിൽ നിയന്ത്രണം. തിരുവനന്തപുരം റെയിൽവേ ഡിവിഷന് കീഴിൽ അറ്റകുറ്റപ്പണികൾ നടക്കുന്നതിനാലാണ് വിവിധ ട്രെയിനുകൾക്ക് ഭാഗികമായ നിയന്ത്രണം ഏര്‍പ്പെടുത്തുന്നത്. ചില ട്രെയിൻ സര്‍വീസുകൾ ഭാഗികമായി റദ്ദാക്കുകയും മറ്റ് ചിലത് വഴി തിരിച്ചുവിടുകയും ചെയ്യുമെന്നാണ് റെയിൽവേ അറിയിച്ചിരിക്കുന്നത്.

മംഗളൂരുവിൽ നിന്നും കന്യാകുമാരി വരെ പോകുന്ന പരശുറാം എക്സ്പ്രസ് ഉൾപ്പെടെയുള്ള ട്രെയിനുകൾക്ക് നിയന്ത്രണം ബാധകമാകും. നാളെയും മറ്റന്നാളും (ജൂലൈ 6,7) പരശുറാം എക്സ്പ്രസ് തിരുവനന്തപുരം വരെ മാത്രമേ സര്‍വീസ് നടത്തുകയുള്ളൂ. ഷൊര്‍ണൂര്‍ ജംഗ്ഷൻ – തൃശൂര്‍ പാസഞ്ചറിന്റെ (56605) ജൂലൈ 19, 28 എന്നീ ദിവസങ്ങളിലെ സര്‍വീസ് പൂര്‍ണമായും റദ്ദാക്കിയിട്ടുണ്ട്. ജൂലൈ 9നുള്ള തിരുച്ചിറപ്പള്ളി – തിരുവനന്തപുരം സൂപ്പര്‍ ഫാസ്റ്റ് എക്സ്പ്രസ് വള്ളിയൂരിനും തിരുവനന്തപുരത്തിനുമിടയിൽ സര്‍വീസ് നടത്തില്ല. ഇതിന് പുറമെ ജൂലൈ 25നുള്ള എംജിആര്‍ ചെന്നൈ സെന്‍ട്രൽ – തിരുവനന്തപുരം സെന്‍ട്രൽ സൂപ്പര്‍ ഫാസ്റ്റ് എക്സ്പ്രസിന്റെ (12695) സര്‍വീസ് കോട്ടയത്ത് അവസാനിക്കും.

12696 തിരുവനന്തപുരം സെൻട്രൽ – എംജിആർ ചെന്നൈ സൂപ്പർഫാസ്റ്റ് 26ന് കോട്ടയത്ത് നിന്നാണ് സര്‍വീസ് ആരംഭിക്കുക. ജൂലൈ 29ന് തൃശൂർ – കണ്ണൂർ എക്സ്പ്രസ് (16609 ) ഷൊര്‍ണൂരിൽ നിന്നാണ് പുറപ്പെടുക. ജൂലൈ 7, 8 തീയതികളിൽ കന്യാകുമാരി – മംഗളൂരു പരശുറാം എക്സ്പ്രസ് (16650) തിരുവനന്തപുരത്ത് നിന്നാണ് സര്‍വീസ് ആരംഭിക്കുക. ജൂലൈ 19നുള്ള എറണാകുളം ജംഗ്ഷൻ – ഹസ്രത് നിസാമുദ്ദീൻ എക്സ്പ്രസിന്റെ (12645) സമയക്രമത്തിൽ മാറ്റം വന്നിട്ടുണ്ട്. വൈകീട്ട് 19.10ന് പകരം 20.50നാണ് ട്രെയിൻ യാത്ര തിരിക്കുക.

മറ്റ് ട്രെയിൻ സര്‍വീസുകളിലെ മാറ്റങ്ങൾ ചുവടെ

• ജൂലൈ 8, 9 തീയതികളിലെ 20691 താംബരം – നാഗര്‍കോവില്‍ അന്ത്യോദയ സൂപ്പര്‍ ഫാസ്റ്റ് എക്‌സ്പ്രസ് തിരുനെല്‍വേലിയില്‍ യാത്ര അവസാനിപ്പിക്കും.
• ജൂലൈ 26നുള്ള നാഗര്‍കോവില്‍ – കോട്ടയം എക്‌സ്പ്രസ് (16366) ചങ്ങനാശേരിയിൽ യാത്ര അവസാനിപ്പിക്കും.
• ജൂലൈ 25ന് ചെന്നൈയില്‍ നിന്നും പുറപ്പെടുന്ന തിരുവനന്തപുരം സൂപ്പര്‍ഫാസ്റ്റ് (12695) കോട്ടയത്ത് സര്‍വീസ് അവസാനിപ്പിക്കും.
• ജൂലൈ 26നുള്ള മധുര-ഗുരുവായൂര്‍ എക്‌സ്പ്രസ് (16327) കൊല്ലത്ത് യാത്ര അവസാനിപ്പിക്കും.
• ജൂലൈ 9നുള്ള നാഗര്‍കോവില്‍ – താംബരം അന്ത്യോദയ സൂപ്പര്‍ഫാസ്റ്റ് (20692) തിരുനെല്‍വേലിയില്‍ നിന്നാണ് സര്‍വീസ് ആരംഭിക്കുക.
• ജൂലൈ 27നുള്ള ഗുരുവായൂര്‍-മധുര എക്‌സ്പ്രസ് (16328) കോട്ടയത്ത് നിന്നായിരിക്കും സർവീസ് ആരംഭിക്കുക.

The post കേരളത്തിൽ ട്രെയിൻ സർവീസുകൾക്ക് നിയന്ത്രണം; നാളെയും മറ്റന്നാളും പരശുറാം എക്സ്പ്രസ് തിരുവനന്തപുരം വരെ മാത്രം appeared first on Starvision News Malayalam.