അബുദാബി ഡ്യൂട്ടി ഫ്രീ ബമ്പർ വീണ്ടും മലയാളിക്ക്

അബുദാബി ഡ്യൂട്ടി ഫ്രീ ബമ്പർ സമ്മാനമായ പത്ത് ദശലക്ഷം ദിർഹം (20.5 കോടി ഇന്ത്യ രൂപ) തൃശൂർ സ്വദേശിയായ ദിലീപ് കുമാർ ഇല്ലിക്കൂട്ടിൽ പരമേശ്വരന് ലഭിച്ചു. 076713 എന്ന നമ്പറിലൂടെയാണ് ദിലീപ് കുമാറിനെ ഭാഗ്യം തേടിയെത്തിയത്. ഏപ്രിൽ 14 ന് ഓൺലൈനിലൂടെ എടുത്ത ടിക്കറ്റിലാണ് സെയിൽസ്മാനായി ജോലി ചെയ്തുവരുന്ന ഇദ്ദേഹത്തെ ഭാഗ്യദേവത കടാക്ഷിച്ചത്. തന്റെ ഏഴ് ലക്ഷം ദിർഹം ലോൺ ഉള്ളത് അടക്കാൻ ഇതിലൂടെ കഴിയുമെന്ന് കഴിഞ്ഞ ഏഴ് വർഷമായി അജ്മാനിൽ കഴിയുന്ന അദ്ദേഹം അറിയിച്ചു.